پکتیا کې د ۲۰ ورزشکارانو ترمنځ د پارکور سیالۍ وشوې
د پکتیا ولایت د بدني روزنې او ورزش ریاست له لوري د یاد ولایت مرکز ګردېز ښار کې د ۲۰ ورزشکارانو ترمنځ د پارکور دوستانه سیالۍ وشوې.
دا سیالۍ د نویو ځوانانو او لویانو ورزشکارانو په عمري کټګوریو کې ترسره شوې، چې په پایله کې د نویو ځوانانو له ډلې نعمت الله لومړی، رحمن الله دویم، سیف الله درېیم او لویانو کې بيا لطف الله لومړی، عبدالله دویم او سپین غر بیا درېیم مقام خپل کړ.
دا سیالۍ پارکور ورزش ته د ودې ورکولو په موخه ترسره شوې، چې یوه ورځ یې دوام وکړ.
