پکتیکا؛ خیرکوټ ولسوالي کي د لسو لوبډلو ترمنځ د نيزه وهنې سيالۍ ترسره شوې
د پکتيکا ولايت د بدني روزنې او ورزش امريت اړوند د وزلوبې،نيزه وهنې او سيمه ييزو لوبو ملي فدراسیون د استازولۍ له لوري د ياد ولایت په خیرکوټ په ولسوالۍ کې د لسو لوبډلو ترمنځ د نيزه وهنې سيالۍ د یوسف خیلو لوبډلې په اتلولي پای ته ورسېدې.
دغو سياليو په پايله کې یوسف کلب لوبډلې د ۱۰ نمرو په ترلاسه کولو سره لومړی او ظفرخیلوکلب لوبډلي د ۴ نمرو په لاسه کولوسره دویم مقام ترلاسه کړ.
دا سیالۍ ملي او دودیزو لوبو ته د ودې ورکولو په موخه ترسره شوې، چې یوه ورځ یې دوام وکړ او په پای کې لومړي مقام لوبډلې ته یوعراده موټرسیکل او نورو لوبډلو ته چمتو شوې ډالۍ ورکړل شوې.
