پکتیکا؛ مرکز ښرنه کې د شپږو لوبډلو ترمنځ د والیبال سیالۍ پیل شوې
د پکتیکا ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت مرکز ښرنې په څلي سیمه کې د شپږو لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه د صدیق او نبي لوبډلو ترمنځ ترسره شوه، چې په پایله کې یې صدیق لوبډلې د ۳/۲ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دغه سیالۍ ورزش ته د ځوانانو د هڅولو په موخه پیل شوي چې لس ورځې به دوام وکړي.
