پکتیکا؛ مرکز ښرنه کې د ۱۲ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز ښرنه کې د ۱۲ لوبډلو ترمنځ د ټېپ بال کرېکټ سیالۍ د یاران لوبډلې په اتلولي پای ته ورسېدې.
د یادو سیالیو پایلوبه د کوچي او یاران لوبډلو ترمنځ ترسره شوه. د لوبې پچه یاران لوبډلې وګټله او لومړی یې توپ وهنه وکړه، چې په ټاکلو اتو اورونو کې یې د څلورو ویکټو په زیان خپلې سیالې لوبډلې ته د ١۱۸ منډو هدف وټاکه. کوچي لوبډلې د هدف په تعقیب کې د درېیوو ویکټو په زیان ۹۶ منډې وکړې او د ۲۱ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې اووه ورځې یې دوام وکړ.
