پکتیکا؛ نوروز لوبډلې د والیبال چلنج کپ سیالیو اتلولي وګټله
د پکتیکا ولایت د بدني روزنې او ورزش امریت، والیبال فدراسیون او چهار درې کلي د ځوانانو له لوري د ۲۲ لوبډلو ترمنځ د والیبال چلنج کپ سیالیو اتلولي نوروز لوبډلې خپله کړه.
دغه سیالۍ چې ۱۴ ورځې یې دوام وکړ پایلوبې ته یې محمد خېلو او نوروز لوبډلو لار موندلې وه، چې په پایله کې نوروز لوبډلې خپلې سیالې لوبډلې ته د ۳-۲ میدانونو په توپیر ماتې ورکړه او اتلولي یې خپله کړه.
هېره دې نه وي چې د دغو سیالیو په پای کې اتلې لوبډلې ته موټرسایکل ډالۍ ورکړل شو.
