پکتیکا؛ په سروبي ولسوالۍ کې د نشهیي توکو پر ضد د ۳۰ لوبډلو ترمنځ د والیبال سیالۍ پیل شوې
د پکتيکا ولايت د بدني روزنې او ورزش امريت په مرسته د سروبي ولسوالۍ د ځوانانو له لوري د ياد ولايت د مرکز او ولسواليو د ٣٠ لوبډلو ترمنځ د واليبال سيالۍ پيل شوې.
دغه سیالۍ چې لس ورځې به دوام وکړي د پيل لوبه يې د ارګون او سروضې ولسوالیو لوبډلو ترمنځ وشوه، چې د ٢-١ ميدانونو په توپیر د ارګون ولسوالۍ لوبډلې په ګټه پاى ته ورسېده.
د يادو سياليو موخه له نشهیي توکو څخه د ځوانانو راګرځول او ورزش ته هڅول دي.
