کابل؛ د افغانستان فوټسال زونونو اتلانو دویم پړاو مقدماتي سیالۍ پیل شوې
د فوټبال ملي فدراسیون فوټسال کمېټې له لوري د یاد فدراسیون په ورزشي جمنازیوم کې د شپږو زونو او اتو لوبډلو ترمنځ د افغانستان فوټسال زونونو اتلانو دویم پړاو مقدماتي سیالۍ پیل شوې.
د دغو سیالیو په پرانیستغونډه کې د بدني روزنې او ورزش لوی ریاست او فوټبال ملي فدراسیون فني او مسلکي معاون حافظ احمد جان ځدراڼ، د افغانستان د اس.ت.خباراتو عمومي رئیس مولوي محمد الله وثیق، د بدني روزنې او ورزش لوی ریاست ورزشي مشاور قاري حیات الله رحماني، ورزشکارانو او زیات شمېر مینوالو ګډون کړی و.
ښاغلي حافظ احمدجان ځدراڼ په پرانیستغونډه کې مېلمنو او ورزشکارانو ته ښه راغلاست وویلې او زیاته یې کړه : موږ په دوه نیمو کلونو کې د تېرو شلو کلنو په پرتله ښې لاسته راوړنې لرو، چې له هغې جملې څخه د فوټسال ملي لوبډلې نړيوال جام ته لار موندل، په چین هېواد کې وروستۍ لاسته راوړنې، له مرکز څخه ولایتونو ته او له ولایتونو څخه ولسوالیو ته د ورزش رسېدل او د امنیت په فضا کې د ورزشکارانو تګ او راتګ کول دي.
همدارنګه ځدراڼ زیاته کړه: د ا.ا.ا د رهبرۍ له ملاتړ څخه ډېره مننه، چې زموږ تر شا ولاړ دي او موږ د ورزشکارانو هر ډول مرستو ته تیار یو او موږ به تل د دوی تر څنګ ولاړ یو او دوی سره به مرسته کوو.
دغه سیالۍ چې اته ورځې به دوام وکړ په لومړۍ لوبه کې د ورزش افغانستان لوبډلې خپلې سیالې پنجشېر بهارک لوبډلې ته د ۸/۱ ګولونو په توپیر ماتې ورکړه او بریا یې خپله کړه.
د یادو سیالیو موخه فوټسال غوره لیګ ته د دوو غوره لوبډلو لاره موندل دي.
