کابل؛ د هېواد له اتو ولايتونو څخه د ۲۰۰ ورزشکارانو ترمنځ د کونګ فو خزاني جام سيالۍ پيل شوې
د کابل د بدني روزنې او ورزش رياست په همکارۍ او د کونګ فو فدراسيون د استازولۍ له لوري، د هېواد له اتو ولايتونو څخه د ۲۰۰ ورزشکارانو ترمنځ په بازمايانا سبک کې د کونګ فو خزاني جام سيالۍ پيل شوې، چې يوه ورځ يې دوام وکړ.
دغه سيالۍ به په تنکيو ځوانانو، نويو ځوانانو، ځوانانو او د لويانو ورزشکارانو په عمري کټګوريو کې د تک فايټ په ډول ترسره شي، چې په پايله کې به غوره ورزشکاران راتلونکو سياليو ته وپېژندل شي.
د يادو سياليو موخه د کونګ فو ورزش ته وده ورکول، د غوره استعدادونو موندل او ورزشکارانو ته د سياليو برابرول دي.
