کابل کې د ای ټي ايف تکواندو ملي فدراسیون شپږ ورزشکاران وستایل شول
د المپیک، بدني روزنې او ورزش عمومي رییس او د تکواندو فدراسیون د رهبري له لوري د المپيک ملي کمېټې د کنفرانسونو په تالار کې د ای ټي ايف تکواندو ملي فدراسیون شپږ ورزشکاران وستایل شول.
په دغه ستاینغونډه کې د ورزش ادارې رهبري له لوري د ای ټي ايف تکواندو هغه ورزشکاران وستایل شول، چې څو ورځې مخکې د ازبکستان هېواد په کوربتوب د ای ټي ايف سیاليو کې درېیم او څلورم دان کمربندونه ترلاسه کړي وو.
په دغه مراسمو کې د المپيک، بدني روزنې او ورزش عمومي رییس مولوي احمد الله وثیق، د المپيکي چارو رییس داد محمد پاینده اختري، د یاد ریاست د نشراتو رییس اتل مشواڼي، د ای ټي ايف تکواندو فدراسیون رهبري او ورزشکارانو ګډون کړی وو.
په پای کې د ښاغلي وثیق له لوري ای ټي ايف تکواندو شپږو ورزشکارانو ته درېیم او څلورم دان کمربندونه ورکړل شول او دوې ته د لا بریاوو غوښتونکی شو.
