کابل کې د ورزش ادارې ۱۱ ورزشي فدراسیونونو مسوولینو او ورزشکارانو ته د دعوت او ارشاد ریاست له لوري اصلاحي سمینار پای ته ورسېده
کابل کې د هېواد ورزش ادارې اړوند د دعوت او ارشاد ریاست له لوري د یاد ریاست جودو، بسکټبال، جمناستیک، بډمنتون، اتلتیک، زورخانه یي، پانکرېشن، تکواندو، کاراټې، کڼو (ناشنوایان) او د باتوران دود ، ۱۱ ورزشي فدراسیونونو مسوولینو او ورزشکارانو ته اصلاحي سمینار پای ته ورسېده.
د دغه سمینار د پای په مراسمو کې د المپيک، بدني روزنې او ورزش عمومي رییس مولوي احمد الله وثیق،د یاد ریاست فني او مسلکي مرستیال حافظ احمد جان ځداراڼ، د المپيکي چارو رییس داد محمد پاینده اختري، د ورزش ادارې مالي او اداري رییس مولوي عبدالناصر هاشمي، د یادې ادارې د دعوت او ارشاد رییس مولوي داد محمد بریال عطایي، د یاد ریاست د اطلاعاتو او عامه پوهاوي رییس الله محمد اتل مشواڼي، د یاد ریاست د دفتر مقام رییس مولوي فضل الرحمان بري او د ورزش ادارې بېلا بېلو مسوولینو ګډون کړی وو.
په یاد سمینار کې د یادو ورزشي فدراسینونو ۲۱۰ مسوولنیو او ورزشکارانو ګډون کړی وو، چې درې ورځې یې دوام وکړ.
د سمینار په پای کې د المپیک، بدني روزنې او ورزش رهبري غړو له لوري د یادو ورزشي فدراسینونو ګډون کوونکو مسوولینو او ورزشکارانو ته ستاینلیکونه ورکړل شول.
