کاپیسا؛ کوهستان دویمه حصه ولسوالۍ کې د ۸۰ ورزشکارانو ترمنځ د اشي هارا کاراټې تشویقي سیالۍ ترسره شوې
د کاپيسا ولایت د بدني روزنې او ورزش امریت اړوند د اشي اهارا کاراتې فدراسیون د استازولۍ له لوري د یاد ولایت کوهستان دویمه حصه ولسوالۍ کې له مرکز محمود راقي، دویمه حصه او له نجراب ولسوالۍ د ۸۰ ورزشکارانو ترمنځ د اشي هارا کاراټه تشویقي سیالۍ ترسره شوې.
د سیالیو په پای کې د کاپیسا ولایت مرکز لومړی، کوهستان دویمه حصه ولسوالۍ دویم او نجراب ولسوالۍ درېیم مقام ترلاسه کړ.
د یادو سیالیو موخه د اشي هارا کراټه سیالیو ته وده ورکول او له نشه یې توکو د ځوانانو لرېوالی و.
د سیالیو په پای کې غوره لوبډلې او ورزشکارانو ته مډالونه او ستاینلیکونه ورکړل شوه.
