کتیکا؛ مرکز ښرنه کې د ۲۰ لوبډلو ترمنځ د ټېپ بال کرکټ سیالۍ پیل شوې
د پکتیکا ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت مرکز ښرنه کې د ۲۰ لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د نوې سرې کلا او سرې کلا لوبډلو ترمنځ ترسره شوه. سرې کلا لوبډلې د ټاس په ګټلو لومړی توپوهنه وکړه او په ټاکلو اووه اورونو کې یې خپلې سیالې لوبډلې ته د ۷۰ منډو هدف وټاکه. نوې سرې کلا لوبډلې یاد هدف د خپلو درېیوو لوبغاړو په له لاسه ورکولو سره ترلاسه کړ او لومړۍ لوبه یې د اووه ویکټو په توپیر وګټله.
یادې سیالۍ له نشه يي توکو څخه د ځوانانو د ساتلو په موخه پیل شوي دي، چې څلور ورځې به دوام وکړي.
