کندز؛ امام صاحب ولسوالۍ کې د ٢٠ لوبډلو ترمنځ د فوټسال سیالۍ پیل شوې
د کندز ولایت د بدني روزنې او ورزش ریاست اړوند د فوټبال فدراسیون د استازولي له لوري د ياد ولايت په امام صاحب ولسوالۍ کې د ٢٠ لوبډلو ترمنځ د ژمني جام په نوم د فوټسال سیالۍ پیل شوې.
د یادو سیالیو لومړۍ لوبه د آريانا ځوانانو او ارسلان ځوانانو لوبډلو ترمنځ ترسره شوه، چې په پایله کې یې د آريانا ځوانانو لوبډلې د ٦ پر ٤ ګولونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم کړه.
دغه سيالۍ د فوټسال راتلونکو ژمنیو سیالیو ته د لا چمتو والي په موخه پیل شوي دي چې دوې اوونۍ به دوام وکړي.
