کندز؛ امام صاحب ولسوالۍ کې د ۱۶ لوبډلو ترمنځ د فوتبال سیالۍ پای ته ورسېدې
د کندز ولایت د بدني روزنې او ورزش ریاست له لوري د یاد ولایت په امام صاحب ولسوالۍ کې د ۱۶ لوبډلو ترمنځ د فوټبال سیالۍ د خراسان باسوس لوبډلې په اتلولي پای ته ورسېدې.
د یادو سیالیو پایلوبه کې خراسان باسوس لوبډلې د یو پر صفر ګول په توپیر خپلې سیالې میهن لوبډلې ته ماتې ورکړه او اتلولي یې وګټله.
دا سیالۍ د فوټبال ودې په موخه ترسره شوې، چې یوه میاشت یې دوام وکړ.
