کندز؛ دشت ارچي ولسوالۍ کې د څلورو لوبډلو ترمنځ د فوټبال سیالۍ پای ته ورسېدې
د کندز ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت په دشت ارچي ولسوالۍ کې د څلورو لوبډلو ترمنځ د فوټبال سیالۍ پای ته ورسېدې.
په دغو سیالیو کې زردکمر، شیران قرلق، ملاقلي او چیچکه لوبډلو ګډون کړی وو، چې په پایلوبه کې قرلق لوبډلې سیالې ملاقلي لوبډلې ته د ۱/۰ ګول په توپير ماتې ورکړه او اتلولي یې خپله کړه.
د یادو سیالیو موخه د فوټبال ورزش ته د ځوانانو هڅوول و، چې دوې ورځې یې دوام وکړ.
د سیالیو په پای کې غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
