کندز؛ د والیبال ټورنمنټ د شاروالۍ لوبډلې په اتلولي پاى ته ورسېد
د کندز ولایت د بدني روزنې او سپورټ ریاست، د واليبال فدراسيون او د امام صاحب ولسوالۍ د ورزشي امر په همغږۍ د ا.ا بريا دويمې کاليزي په ويار د واليبال پيل شوى ټورنمنټ د شاروالۍ لوبډلې په ګټه پاى ته ورسېد.
دغه ټورنمنټ، چې د امام صاحب ولسوالۍ د ښاروالۍ په ورزشي لوبغالي کې د لسو لوبډلو ترمنځ پيل شوى و، پايلوبې ته يې د ښاروالۍ او حاجي اباد لوبډلو لار وموندله، چې د ښاروالۍ لوبډلې خپل سيال د ٣-٠ ميدانونو په توپیر ماتې ورکړه او د دې ټورنمنټ اتلولي يې خپله کړه.
په پاى کې ګټونکې لوبډلې ته کپ او ډالۍ هم ورکړل شوې.
