کندز؛ په قلعه ذال ولسوالۍ کې د اوو لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په قلعه ذال ولسوالۍ کې د اوو لوبډلو ترمنځ د واليبال شپنۍ سيالۍ د قلعه ذال لوبډلې په اتلولۍ پای ته ورسېدې.
د يادو سياليو په پايلوبه کې قلعه ذال لوبډلې خپلې سيالې تربوز گزر لوبډلې ته د ۲۱ پر ۱۵ امتيازونو په توپير ماتې ورکړه او اتلولي يې په خپل نوم کړه.
د يادولو وړ ده، چې د دغو سياليو د ترسره کېدو موخه ورزش ته د ځوانانو هڅول او د يادې ولسوالۍ وگړو ته د سالمې تفريح برابرول وو، چې يوه شپه يې دوام وکړ.
