کندز؛ چهاردې ولسوالۍ کې د شپږو لوبډلو ترمنځ د والیبال سیالۍ پیل شوې
د کندز ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په چهاردرې ولسوالۍ کې د شپږو لوبډلو ترمنځ د والیبال سیالۍ پیل شوې.
د دغو سیالیو لومړۍ لوبه د ځواک (ب) او نواباد لوبډلو ترمنځ ترسره شوه، چې په پایله کې یې نواباد لوبډلې د ۶/۱۶ نمرو په ترلاسه کولو سره خپلې سیالې لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ په چهاردرې ولسوالۍ کې د والیبال د نوي جوړ شوي میدان د پرانیستې په موخه پیل شوي دي، چې یوه اوونۍ به دوام وکړي.
