کندز کې د ۴۰ تنو ورزشکارانو د WTF تکواندو څوارلسم پړاو سيالۍ ترسره شوې
د کندز ولايت د بدني روزنې او ورزش رياست او د تکواندو فدراسیون په گډه همکارۍ د مرکز او خان اباد ولسوالۍ د درېيو کلبونو د ۴۰ تنو ورزشکارانو ترمنځ د WTF تکواندو څوارلسم پړاو سيالۍ ترسره شوې.
دغه سیالۍ د نويو ځوانانو، ځوانانو او مشرانو په عمري کټگوريو او په بېلابېلو وزنونو کې ترسره شوې، چې په پايله کې ۲۰ تنو ورزشکارانو خپلو سيالانو ته په ماتې ورکولو برياوې خپلې کړې.
د يادو سياليو د ترسره کېدو موخه د ورزشکارانو وړتياوو لوړول او تکواندو لوبې ته وده ورکول وو، چې په پای کې د ياد ولايت د ورزش رياست له لوري ورزشکارانو ته ورزشي لباسونه ورکړل شول.
