کندهار کې د شپږو لوبډلو ترمنځ د روشن فوټبال ولايتي جام سيالۍ پيل شوې
د کندهار ولايت د بدني روزنې او ورزش رياست په همکارۍ او د روشن مخابراتي شرکت په مالي ملاتړ د ياد ولايت په غازي محمد ايوب خان لوبغالي کې د څلورو ولایتونو د شپږو لوبډلو ترمنځ د روشن فوټبال ولايتي جام گروپي سيالۍ، چې نهه ورځې به دوام وکړي، د هلمند هارون پوپل لوبډلې په بريا پيل شوې.
په دغو سياليو کې د کابل، فراه، هلمند او کوربه کندهار ولایتونو لوبډلو گډون کړی، چې په لومړنۍ لوبه کې هلمند هارون پوپل لوبډلې خپلې سيالې کابل گلرنگ لوبډلې ته د ۰/۲ گولونو په توپير ماتې ورکړه
او بريا يې خپله کړه.
