کندوز؛ په امام صاحب ولسوالۍ کې د ۷٢ ورزش کارانو ترمنځ د کورش سیالۍ شوې
د کندوز ولایت د بدني روزنې او ورزش ریاست اړوند د کورش فدراسیون د استازولي له لوري د امام صاحب ولسوالۍ د ورزشي مدیریت په همکارۍ په نوموړې ولسوالۍ کې د ٧٢ ورزشکارانو ترمنځ د کورش سیالۍ ترسره شوې.
دغه سیالۍ د ملي او دودیزو لوبو د ودې او له نشه يي توکو څخه د ځوانانو د ليرې والي په موخه وشوې، چې یوه ورځ یې دوام وکړ.
هېره دې نه وي، چې په پای کې ٣۶ تنو ورزش کارانو خپلو سیالانو ته په ماتې ورکولو سره بریاوې خپلې کړې.
