کونړ؛ سرکۍ لوبډلې د شلتن ولسوالۍ د ټېپ بال کرکټ سياليو اتلولي وگټله
د کونړ ولايت د بدني روزنې او سپورټ امريت په همکارۍ د شلتن ولسوالۍ په چوگام دره کې د لسو لوبډلو ترمنځ د ټېپ بال کرکټ سيالۍ، چې څوارلس ورځې مخکې پيل شوې وې، د سرکۍ لوبډلې په اتلولۍ پای ته ورسېدې.
د يادو سياليو پايلوبه د سرکۍ او سرې شاه لوبډلو ترمنځ ترسره شوه، چې سرې شاه لوبډلې د لوبې پچه وگټله او لومړی يې سيالې لوبډلې ته د توپ وهنې بلنه ورکړه، سرکۍ لوبډلې په ټاکلو لسو اورونو کې د درېيو لوبغاړو په سوځېدو خپلې سيالې لوبډلې ته د ۱۱۳ منډو هدف وټاکه، په مقابل کې سرې شاه لوبډلې د نهو ویکټو په سوځېدو يواځې ۱۰۴ منډې وکړې او لوبه يې د نهو منډو توپير وبايلله.
ياده دې وي، چې د دغو سياليو په پای کې اتلې لوبډلې ته د اتلولۍ جام ورکړل شو.
