کونړ؛ مرکز اسعد اباد کې د څاګي جام په نوم د ټېپ بال کرکټ سيالۍ پای ته ورسېدې
د کونړ ولایت د بدني روزنې او ورزش آمریت له لوري د دې ولایت د مرکز اسعد اباد په څاګي سيمه کې د ۱۵ لوبډلو ترمنځ د څاګي جام په نوم د ټېپ بال کرکټ سيالۍ د ټايګر لوبډلې په بريا پای ته ورسېدې.
د دغو سياليو پايلوبې ته ټايګر او چلنجر لوبډلو لار موندلې وه، لومړی توپوهنه چلنجر لوبډلې ترسره کړه او په ټاکلو اوو اورونو کې يې سيالې لوبډلې ته ۱۱۱ منډې هدف کېښود. بل لوري ته سيالې لوبډلې د څلورو لوبغاړو په زيان ياد هدف په وروستي اور کې پوره کړ او په شپږړ ويکټو يې سيالې لوبډلې ته ماتې ورکړه.
د یادونې وړ ده چې د سیالیو غوره او مخکښو لوبغاړو ته ورزشي ډالۍ ورکړل شوی.
