کونړ؛ مرکز کرهاله کې د ختیځ زون په سطحه د والیبال ټورنمنټ پیل شو
د کونړ ولایت په مرکز کرهاله کې د کرهالې ځونانو د اصلاحي شورا او د کونړ د وزش آمریت په ګډه همکارۍ د ختیځ زون د دریو ولایتونو د ۱۴ لوبډلو ترمنځ د والیبال تورنمنټ پیل شو.
د ټورنمنټ د پیل په مراسمو کې د کنړ د سپورت آمر ، قومي مشرانو، ځوانانو او ورزشکارانو برخه اخیستې وه.
په دې تورنمنټ کې د کونړ ولایت د والیبال لوبډلو ترڅنګ د ننګرهار او لغمال والیبال لوبډلې هم شتون لري چې سیالۍ به یې شاوخوا لس ورځې دوام وکړي.
.په دغه ټورنمنټ کې پرون لومړۍ سیالۍ د وټه پور او نواباد والیبال لوبډلې ترمنځ ترسره شوه چې د وټه پور لوبډلې د ۱/۳ میدانونو په توپیر سره وګټله.
