کونړ؛ په څوکۍ ولسوالۍ کې د ټېپ بال کرکټ سيالۍ پيل شوې
د کونړ ولايت څوکۍ ولسوالۍ په کوزه کلمانۍ سيمه کې د پنځو لوبډلو ترمنځ د ټیپ بال کرکټ سيالۍ پيل شوې.
د دغو سياليو د پيل لوبه د سمندر او ځوانانو لوبډلې ترمنځ ترسره شوه، لومړی توپوهنه ځوانانو لوبډلې ترسره کړه او په ټاکلو لسو اورونو کې يې د اتو لوبغاړو په زيان سيالې لوبډلې ته ۸۳ منډې هدف کېښود، د لوبې په دويمه پاڼۍ کې سمندر لوبډلې ياد هدف د لوبې په شپږم اور کې پوره کړ او په څلورو ويکټو يې بريا خپله کړه.
هېره دې نه وې، چې دغه سيالۍ د ليګ په شکل ترسره کيږي او اتلس ورځې به دوام وکړي.
