کندوز کې د ۸۰ تنو چاپندازانو ترمنځ د وزلوبې سيالۍ ترسره شوې
د کندوز ولايت د بدني روزنې او ورزش رياست او د وزلوبې، نيزه وهنې او سيمه ييزو لوبو ملي فدراسيون په ګډه همکارۍ د ياد ولايت په مرکز کې د ۸۰ چاپندازانو ترمنځ د وزلوبې سيالۍ ترسره شوې.
د يادو سياليو په پايله کې د ميدان حکم له لوري يو اخرالاق اعلان شو، چې دغه اخرالاق داد الله پهلوان د عصمت الله عمرخېل په آس تر حلالې دايرې ورساوه او د سياليو ګټونکی شو.
په ورته وخت کې د ياد ولايت په مرکز کې د شاهین او عقاب لوبډلو ترمنځ د وزلوبې سيالي هم ترسره شوه، چې په پايله کې شاهين لوبډلې خپلې سيالې لوبډلې ته د ۴ پر صفر امتيازونو په توپير ماتې ورکړه او بريا يې په خپل نوم کړه.
د يادولو وړ ده، چې د دغو سياليو موخه د بلخ ولايت وزلوبې غوره ليگ لوبو ته د چاپندازانو لا ښه چمتووالی و.
