بلخ؛ په مزار شريف ښار کې د ۷۵ چاپندازانو ترمنځ د وزلوبې سيالۍ ترسره شوې
د بلخ ولايت د بدني روزنې او ورزش رياست اړوند د وزلوبې، نيزه وهنې او سيمه ييزو لوبو ملي فدراسیون د استازولۍ له لوري د ياد ولايت په مزار شريف ښار کې د ۷۵ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان د حکم له لوري درې اخرالاقه اعلان شول، چې لومړی اخرالاق مصطفی پهلوان د سردار ولي ګران په اس او دويم اخرالاق ګل حسين پهلوان د ايشان صاحب خواجه په آس او درېيم آخر الاق انور پهلوان د ملا نجم الدين په آس تر حلالې دايرې ورساوه او د سياليو گټونکي شول.
د يادولو وړ ده، چې د دغو سياليو موخه راتلونکي غوره لیګ ته د چاپندازانو لا ښه چمتو والی او د ياد ولايت وگړو لپاره د سالمې تفريح برابرول وو، چې يوه ورځ يې دوام وکړ.
