نیمروز کې د ۱۰ لوبډلو ترمنځ د فوټبال لیګ سیالۍ د شایسته ځوانانو لوبډلې په اتلولۍ پای ته ورسېدې
د نیمروز ولایت د بدني روزنې او ورزش امریت اړوند د فوټبال فدراسیون د استازولۍ له لوري په یاد ولایت کې د دلارام ولسوالۍ یووالي جام په نوم د فوټبال لیګ سیالۍ، چې یوه میاشت مخکې پيل شوې وې د شایسته ځوانانو لوبډلې په اتلولۍ پای ته ورسېدې.
د دغو سیالیو پایلوبه د شایسته ځوانانو او رحمت لوبډلو ترمنځ ترسره شوه، چې شایسته ځوانانو لوبډلې د زیاتو امتیازونو په ترلاسه کولو لومړی مقام ترلاسه کړ.
د یادو سیالیو موخه د فوټبال ورزش ته وده ورکول او مرکزي سیالیو ته د غوره لوبډلې او ورزشکارانو موندل و، چې یوه میاشت یې دوام وکړ.
