ننګرهار؛ دور بابا ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولایت په دور بابا ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د انځر او ګاګرې سر مدرسې لوبډلو ترمنځ ترسره شوه. د لوبې پچه ګاګرې سر مدرسې لوبډلې وګټله او لومړی یې توپوهنه وکړه، چې په ټاکليو اتو اورونو کې یې د درېيوو ویکټو په زيان سره خپلې سیالې لوبډلې ته د ۹۴ منډو هدف وټاکه. انځر لوبډلې د هدف په تعقیب کې د ټولو ویکټو په زیان ٣٨ منډې وکړې د ۵۵ منډو په توپیر یې د سیالیو لومړۍ لوبه وبایلله.
دا سیالۍ د کتاب د مطالعې د دودولو په موخه پیل شوي دي، چې ١٢ ورځې به دوام وکړي.
