میدان وردګ؛ په چک ولسوالۍکې د ٦٠ غشي ويشتونکو ترمنځ د غشي ويشتلو سیالۍ پای ته ورسېدې
د میدان وردګ ولایت د بدني روزنې او ورزش آمريت اړوند د غشي ويشتلو فدراسيون د استازولۍ له لوري د ياد ولايت د بند چک ولسوالۍ په محمد یارخېلو کلي کې د ٦٠ غشي ويشتونکو ترمنځ د غشي ويشتلو سیالۍ د محمد یارخېلو د کلي په اتلولۍ پای ته ورسېده.
د دغو سياليو په پايله کې د محمد یارخېلو کلي لوبډلې خپلې سيالې بابا کلا لوبډلې ته د ٨٦/٧٧ نومرو په توپير ماتې ورکړه او اتلولي يې خپله کړه.
هېره دې نه وي، چې دغه سیالۍ په دودیز شکل ترسره کېږي او له دې وړاندې په لومړۍ لوبه کې هم محمد یارخېلو کلي لوبډلې خپلې سیالې بابا کلا لوبډلې ته ماتې وکړې وه.
