ننګرهار؛ په ګوشتې ولسوالۍ کې د ۵۴ لوبډلو ترمنځ د ټېپ بال کرېکټ سيالۍ پای ته ورسېدې
د ننګرهار ولایت د بدني روزنې او ورزش ریاست په لارښوونه په ګوشتې ولسوالۍ کې د ځوانانو د يووالي او د نظام د ملاتړ په نوم د ۵۴ لوبډلو ترمنځ د ټېپ بال کرېکټ سيالۍ پای ته ورسېدې.
د دغو سياليو پايلوبه د عوض کينګ او چمن اباد لوبډلو ترمنځ ترسره شوه، لومړی توپوهنه چمن اباد لوبډلې وکړه او په ټاکليو ۱۲ اورونو کې يې خپلې سيالې لوبډلې ته د شپږو لوبغاړو په زيان ۱۵۶ منډې هدف کېښود، د لوبې په دويمه پاڼۍ کې عوض کينګ لوبډلې ياد هدف د پنځو لوبغاړو په زيان پوره کړ او د پنځو ويکټو په توپیر يې اتلولي خپله کړه.
هېره دې نه وي، چې یادې سیالۍ يوه نيمه مياشت وړاندې پيل شوې وې او تېره ورځ پای ته ورسېدې، چې په پای کې اتلې لوبډلې ته یو عراده موټر سیکل ډالۍ ورکړل شو.
