بلخ؛ زارع ولسوالۍ کې د فوټبال سیالۍ د عقاب بلهاني لوبډلې په اتلولۍ پای ته ورسېدې
د بلخ ولایت د بدني روزنې او ورزش ریاست په همکارۍ او د مول الدین مزاري په مالي ملاتړ د یاد ولایت په زارع ولسوالۍ کې د پسرلني جام په نوم د فوټبال حذفي سیالۍ د عقاب بلهاني لوبډلې په اتلولۍ پای ته ورسېدې.
د دغو سیالیو پایلوبه د عقاب بلهاني او مرکز منتخبې لوبډلو ترمنځ ترسره شوه، چې ۱/۱ مساوي شوه، خو په پنالټیو کې عقاب بلهاني لوبډلې خپلې سیالې مرکز منتخبې لوبډلې ته د ۵/۴ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټبال ورزش ته وده ورکول او د ځوانانو هڅول و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او دویم مقام لوبډلې ته کپ او چمتو شوې ډالۍ ورکړل شوې.
