پکتيا؛ اتحاد کلب لوبډلې د ۲۰۲۴ کال فوټبال غوره ليگ سياليو اتلولي وگټله
د پکتيا ولايت د بدني روزنې او ورزش رياست اړوند د فوټبال فدراسیون د استازولۍ له لوري د مرکز گردېز ښار په اتفاق لوبغالي کې د لسو لوبډلو ترمنځ د ياد ولايت په کچه د زون سياليو د غوره لوبډلې ټاکلو په موخه د ۲۰۲۴ کال فوټبال غوره ليگ سيالۍ د اتحاد کلب لوبډلې په اتلولۍ پای ته ورسېدې.
د يادو سیالیو په پايلوبه کې اتحاد کلب لوبډلې خپلې سيالې اتفاق کلب لوبډلې ته د ۲ پر ۱ گولونو په توپير ماتې ورکړه او د زون په کچه غوره ليگ سياليو ته يې لار پېدا کړه.
د ويلو وړ ده، چې دغو سياليو دوې اوونۍ دوام وکړ.
