کندهار کې د پنځو ولايتونو ترمنځ د فول رزم سيالۍ وشوې
د کندهار ولايت د بدني روزنې او ورزش رياست اړوند د فول رزم فدراسيون د استازولۍ له لوري او د روشن مخابراتي شرکت په مالي ملاتړ د ياد ولايت په ورزشي جمنازيوم کې د پنځو ولايتونو د ۵۵ ورزشکارانو ترمنځ د فول رزم ولايتي سيالۍ وشوې.
په دغو سیالیو کې له هلمند، ارزگان، زابل، غزني او کوربه کندهار ولايت څخه ورزشکارانو گډون کړی وو، چې په پايله کې کندهار لومړی، زابل دويم او هلمند بيا درېيم مقام ترلاسه کړ.
د يادو سياليو موخه د فول رزم ورزش ته وده ورکول او د ورزشکارانو د وړتياوو لوړول وو، چې يوه ورځ يې دوام وکړ.
