غور؛ پسابند ولسوالۍ کې د اتو لوبډلو ترمنځ د واليبال سيالۍ پيل شوې
د غور ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په پسابند ولسوالۍ کې د اتو لوبډلو ترمنځ د واليبال سيالۍ پيل شوې.
د دغو سياليو په لومړۍ لوبه کې شاهين لوبډلې خپلې سیالې مرکز لېسې لوبډلې ته د ۳/۰ ميدانونو په توپير ماتې ورکړه او لومړۍ بريا يې خپله کړه.
د يادو سياليو موخه د واليبال لوبو ته وده ورکول او د ځوانانو ترمنځ يووالی رامنځته کول دي، چې يوه اونۍ به دوام وکړي.
