کاپيسا کې د ۶۰ ورزشکارانو ترمنځ د لاس چپه کولو سیالۍ ترسره شوې
د کاپيسا ولایت د بدني روزنې او ورزش امریت اړوند د ملي او دودیزو لوبو مدیریت له لوري د یاد ولایت په جوانان مومند کلب کې د ۶۰ ورزشکارانو ترمنځ د لاس چپه کولو سیالۍ ترسره شوې.
دغه سیالۍ د ځوانانو او لویانو ورزشکارانو په عمري کټګوریو کې ترسره شوې، چې په پایله کې له هرې کټګورۍ درې- درې تنو ورزشکارانو اتلولي خپله کړه او د ډالیو ګټونکي شول.
د یادو سیالیو موخه دودیزو لوبو ته وده ورکول او د ځوانانو ترمنځ یووالی رامنځته کول و، چې یوه ورځ یې دوام وکړ.
