بامیان کې د ۸۰ ورزشکارانو ترمنځ د موی تای سیالۍ ترسره شوې
د بامیان ولایت د بدني روزنې او ورزش امریت اړوند د موی تای ملي فدراسیون د استازولۍ له لوري د یاد ولایت په مرکز کې د ۸۰ ورزشکارانو ترمنځ د موی تای سیالۍ ترسره شوې.
دغه سیالۍ د کابل، بامیان او غزني ولایتونو ورزشکارانو ترمنځ په بېلابېلو کټګوریو کې ترسره شوې، چې په پایله کې بامیان لومړی او کابل دویم مقام خپل کړ.
د یادو سیالیو موخه د موی تای ورزش ته وده ورکول او د ځوانانو ترمنځ یووالی رامنځته کول و، چې یوه ورځ یې دوام وکړ.
د سیالیو په پای کې د بامیان ورزشي امریت له لوري غوره ورزشکارانو ته مډالونه او د اتلولۍ حکمونه ورکړل شول.
