د غزني په مرکز ښار کې د ۱۴۰ ورزشکارانو ترمنځ د بکسینګ سیالۍ پای ته ورسېدې
د غزني ولایت د بدني روزنې او ورزش امریت اړوند د بکسینګ ملي فدراسیون د استازولۍ له لوري د یاد ولایت په مرکز ورزشي ورزشي جمنازیوم کې له لوګر، پکتیا، پکتیکا، میدان وردګ، خوست او غزني ولایتونو د ۱۴۰ ورزشکارانو ترمنځ د بکسینګ سیالۍ ترسره شوې.
دغه سیالۍ په بېلا بېلو کټګوریو کې ترسره شوې، چې په پایله کې غزني لومړی، خوست دویم او میدان وردګ بیا درېیم مقام خپل کړ.
د یادو سیالیو موخه د بکسینګ ورزش ته وده ورکول او د غوره ورزشکارانو موندل و، چې دوې ورځې یې دوام وکړ.
د سیالیو په پای کې د غزني ورزشي امریت له لوري غوره ورزشکارانو ته مډالونه او د اتلولۍ حکمونه ورکړل شول.
