بلخ کې د ۱۰۴ ورزشکارانو ترمنځ د واکو کيک بوکسينگ سيالۍ سبک سيالۍ وشوې
د بلخ ولایت د بدني روزنې او ورزش رياست اړوند د کيک بوکسينگ فدراسيون د استازولۍ له لوري د ياد ولايت په مزار شريف ښار کې د ۱۰۴ ورزشکارانو ترمنځ د واکو کيک بوکسينگ سبک سيالۍ وشوې.
په دغو سیالیو کې ورزشکاران د نويو ځوانانو، ځوانانو او لويانو په عمري کټگوريو کې د يو بل پر وړاندې سيالۍ ترسره کړې. چې په پايله کې ۵۲ تنو خپلو سيالانو ته په ماتې ورکولو سره برياوې خپلې کړې.
د يادو سياليو موخه د واکو کيک بوکسينگ سبک ته وده ورکول او ورزش ته د ځوانانو هڅول وو، چې يوه ورځ يې دوام وکړ.
