د جوجیتسو ۷ کسیزه لوبډله د اسلامي هېوادونو د پیوستون سیالیو کې د ګډون په موخه سعودي عربستان ته روانه شوه
د جوجتسو ۷ کسیزه لوبډله چې پنځه ورزشکاران، یو روزونکی او یو هیئت پکې شامل دی، د اسلامي هېوادونو د پیوستون ۶م پړاو سیالیو کې د ګډون په موخه سعودي عربستان ته روانه شوه.
د خدای پامانۍ مراسمو کې د المپیکي چارو رئیس داد محمد پاینده اختري دغې لوبډلې ته په یادو سیالیو کې په پوره کوشش او لوړه روحیه د لوبېدو سپارښتنه وکړه؛ ترڅو هېواد ته ویاړونه راوړي.
د اسلامي هېوادونو د پیوستون سیالۍ د سعودي عربستان په کوربتوب په پلازمېنه ریاض ښار کې د ۵۷ هېوادونو په ګډون په ۲۳ ورزشي رشتو کې د روانې میلادي میاشتې بر ۷ مه پیل شوي او تر ۲۱مې نېټې دوام کوي، چې د افغانستان په استازیتوب په ۱۲ ورزشي رشتو کې ۸۳ ورزشکاران او ورسره پلاوي ګډون پکې کوي.
