کاپیسا؛ تګاب ولسوالۍ کې د ۱۱ لوبډلو ترمنځ د واليبال سيالۍ پای ته ورسېدې
د کاپيسا ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په تګاب ولسوالۍ کې د ۱۱ لوبډلو ترمنځ د واليبال سيالۍ، چې ۱۵ ورځې مخکې پیل شوې وې د شه.يد جان اغا عادل لوبډلې په اتلولۍ پای ته ورسېدې.
د دغو سياليو په پايلوبه کې شه.يد جان اغا عادل لوبډلې خپلې سیالې عبدالعزيز غالب لوبډلې ته د ۳/۲ ميدانونو په توپير ماتې ورکړه او اتلولي يې خپله کړه.
د يادو سياليو موخه د واليبال لوبو ته د ځوانانو هڅول و، د سياليو په پای کې غوره لوبډلې او لوبغاړو ته کپ، مډالونه او ستاينليکونه ورکړل شول.
