بلخ کې د ۵۰ چاپندازانو ترمنځ د وزلوبې سيالۍ وشوې
د بلخ ولايت د بدني روزنې او ورزش رياست په همغږۍ، د وزلوبې، نيزه وهنې او سيمه ييزو لوبو ملي فدراسیون د استازولۍ له لوري د ياد ولايت په مرکز حاجي مقيم بای لوبغالي کې د ۵۰ چاپندازانو ترمنځ د وزلوبې سيالۍ وشوې.
د يادو سياليو په پايله کې دوه اخراولاقه ترسره شول، دغه دواړه آخراولاقه ناصر پهلوان تر حلالې دایرې ورسول او د نغدي ډاليو گټونکی شو.
دا سيالۍ راتلونکو لوبو لپاره د چاپندازانو د لا ښه چمتو والي او د دې ولايت وگړو لپاره د سالمې تفريح برابرولو په موخه وشوې، چې يوه ورځ يې دوام وکړ.
