کندز کې د څلورو ولایتونو ترمنځ د بدن ښکلا او فټنس دویم پړاو سیالۍ ترسره شوې
د کندز ولایت د بدني روزنې او ورزش ریاست اړوند د بدن ښکلا او فټنس فدراسیون د استازولۍ له لوري د ياد ولايت مرکز کې له څلورو ولایتونو د ٦٠ ورزشکارانو ترمنځ د بدن ښکلا دویم پړاو سیالۍ ترسره شوې.
په دغو سیالیو کې له کندز، بغلان، تخار او بدخشان ولایتونو څخه ٦٠ ورزشکارانو ګډون کړی و، چې په پایله کې یې کندز لومړی، تخار دویم او بدخشان بیا درېیم مقام خپل کړ.
دا سیالۍ د ورزش کارانو ترمنځ د همغږي او غوره ورزشکارانو د موندلو په موخه ترسره شوې، چې یوه ورځ یې دوام وکړ.
