غزني کې د ۱۰ لوبډلو ترمنځ د فوټبال غوره لیګ سیالۍ د شاهین افغان لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په ګیلان ولسوالۍ کې د ۱۰ لوبډلو ترمنځ د فوټبال غوره لیګ سیالۍ، چې یوه میاشت مخکې پيل شوې وې د شاهین افغان لوبډلې په اتلولۍ پای ته ورسېدې.
د دغو سیالیو په پایلوبه کې شاهین افغان لوبډلې خپلې سیالې ګیلان زواک لوبډلې ته د ۱/۰ ګول په توپير ماتې ورکړه او اتلولي یې خپله کړه.
د یادو سیالیو موخه ورزش ته د ځوانانو هڅول او د لوبغاړو ترمنځ یووالی رامنځته کول و، د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
