کاپیسا کې د اتو لوبډلو ترمنځ د فوټسال سيالۍ د قلاه نو لوبډلې په اتلولۍ پای ته ورسېدې
د کاپيسا ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري په ياد ولايت کې د اسيا اوولس کلنو اتلانو د ملاتړ په نوم د اتو لوبډلو ترمنځ د فوټسال سيالۍ، چې څو ورځې مخکې پیل شوې وې د قلاه نو لوبډلې په اتلولۍ پای ته ورسېدې.
د دغو سياليو په پايلوبه کې قلاه نو لوبډلې خپلې سیالې اريانا کاپيسا لوبډلې ته د ۴/۳ ګولونو په توپير ماتې ورکړه او اتلولي يې خپله کړه.
د يادو سياليو موخه د لوبغاړو ترمنځ يووالی رامنځته کول و.
