د ورزش ادارې عمومي رئیس په خپل کاري دفتر کې له نجیب الله طوفان سره ولیدل
د ورزش ادارې عمومي رئیس مولوي احمد الله وثیق د زابل ولایت د قوت الرمي له پیاوړي ورزشکار ښاغلي نجیب الله طوفان سره، چې څه موده وړاندې په ناڅرګنده پېښه کې ټپي شوی و، ولیدل او د نوموړي د روغتیا پر اړه یې ډاډ ترلاسه کړ. په دغه لیدنه کې د زابل ولایت د ورزش ادارې امر احمد غلامي او د قوت الرمي فدراسیون رئیس علي شاه محمدي هم شتون درلود.
د ورزش ادارې په همکاري ښاغلی طوفان په زابل ولایت کې تر درملنې وروسته کابل ته راوغښتل شو او په ۴۰۰ بستریز روغتون کې یې بیاځلې معاینات ترسره شول. ډاکټرانو یې د روغتیا اطمنان ورکړ او وې ویل، چې صحت یې د ښه کېدو په حال کې دی.
په دغه لیدنه کې ښاغلي وثیق خوښي وښوده، چې د نجیب الله طوفان صحت د ښه کېدو په حال کې دی، په خبره یې ورزش ادارې خپلو امکاناتو ته په کتو تل د ورزشکارانو ملاتړ کړی او په راتلونکې کې به یې هم حمایت وکړي.
