بامیان کې د ۱۰ لوبډلو ترمنځ د والیبال ژمنۍ سیالۍ پای ته ورسېدې
د بامیان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په شاه فولادي دره کې له مرکز او ولسوالیو څخه د ۱۰ لوبډلو ترمنځ د ژمي جام په نوم د والیبال سیالۍ د قاضان لوبډلې په اتلولۍ پای ته ورسېدې.
د دغو سیالیو په پایلوبه کې قاضان لوبډلې خپلې سیالې بورسونه لوبډلې ته د ۳/۰ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول او ځوانانو ته سالمه تفرېح برابرول و.
