هلمند؛ مارجې ولسوالۍ کې د ۱۶ لوبډلو ترمنځ د واليبال سيالۍ پای ته ورسېدې
د هلمند ولايت د بدني روزنې او ورزش آمريت په همغږۍ، د واليبال فدراسيون د استازولۍ له لوري د ياد ولايت په مارجې ولسوالۍ کې د ۱۶ لوبډلو ترمنځ د واليبال سيالۍ د بُست آریا لوبډلې په اتلولۍ پای ته ورسېدې.
د يادو سياليو پايلوبه کې بُست آریا لوبډلې خپلې سيالې اعظيمي لوبډلې ته د ۲ پر يو ميدانونو په توپير ماتې ورکړه او اتلولي يې وگټله.
دا سيالۍ د ځوانانو لپاره د سالم مصروفیت برابرولو په موخه وشوې، چې دوې ورځې يې دوام وکړ.
