فاریاب؛ خواجه سبز پوش ولسوالۍ کې د ۴۵ چاپندزانو ترمنځ د وزلوبې سیالۍ وشوې
د فاریاب ولایت د بدني روزنې او ورزش امریت اړوند د وزلوبې، نېز وهلو او دودیزو لوبو ملي فدراسیون د استازولۍ له لوري د یاد ولایت په خواجه سبز پوش ولسوالۍ کې له مرکز او ولسوالیو د ۴۵ چاپندزانو ترمنځ وزلوبې سیالۍ وشوې.
د دغو سیالیو په پایله کې میمنه ښار چاپندزانو لومړی، خواجه سبز پوش ولسوالۍ چاپندزانو دویم او پشتونک ولسوالۍ بیا درېیم مقام خپل کړ.
د یادو سیالیو موخه د وزلوبې ورزش ته وده ورکول او خلکو ته سالمه تفرېح برابرول و، چې یوه ورځ یې دوام وکړ.
