بادغیس؛ بالا مرغاب ولسوالۍ کې د ۱۰۰ ورزشکارانو ترمنځ د غېږنيونې سيالۍ وشوې
د بادغيس ولايت د بدني روزنې او ورزش امريت اړوند د کورش ملي فدراسيون د استازولۍ له لوري د ياد ولايت په بالا مرغاب ولسوالۍ کې د ۱۰۰ ورزشکارانو ترمنځ په څلورو وزنونو کې د غېږنيونې سيالۍ وشوې، چې يوه ورځ يې دوام وکړ.
د دغو سياليو په پایله کې په ۶۰ کيلو ګرام کې جماالدين، ۷۰ کيلو ګرام کې عبدالخالق، ۸۰ کيلو ګرام کې آغا جان او په ازاد وزن کې عصمت الله د اتلولۍ مقامونه خپل کړل.
د يادو سياليو موخه د غېږنيونې ورزش ته وده ورکول او د ورزشکارانو ترمنځ يووالی رامنځته کول و.
